Photo: Jay Roa Pascual
CAGAYAN DE ORO CITY-Miduso na sa Commission on Elections o Comelec ang partido PDP-Laban pinanguluhan ni City Mayor Oscar Moreno ug kanhi City Mayor Vicente Emano sa Padayon Pilipino nga alyansa sa Hugpong ng Pagbabago nga hingpit moduso sa sertipiko de kandidatura ning adlawa.
Kini human gikompirmar ni City Election Officer Atty Rami Acol nga unang nakaduso sa certificate of candidacy o COC ang line up ni Moreno sa ilang buhatan karong adlawa.
Miingon si Acol nga nangayo na sila’g tabang sa kapolisan nga mahugtan ang seguridad sa Comelec ilabina nga anaa sa 8 ngadto 10-mil ka supporters ni Moreno,Vice Mayor Kikang Uy,Cong Klarex Uy ug ABC president Kag Alam Lim ang mouban sa ilang COC filing ning adlawa.
Una nang gibutyag ni Moreno kinsa gikabaniug nga atbangan ni Dept of Agriculture Undersecretary Pompee La Vinia nga mitambong una sila sa santos nga misa ayha mi-martsa padulong Comelec aron makaduso sa ilang kandidatura.
Samtang gitahasan ni City Police Director Sr/Supt Nelson Aganon ang Divisoria Police Station ug ubang special units nga hatagan sa luwas nga seguridad ang mga kandidatong lokal nga mosang-at sa sertipiko de kandidatura sa Comelec sa syudad ning adlawa.
Kini human unang gilauman nga mopakita sa puwersa sila si Moreno ug Emano sa pagduso sa kandidatura ilang mga kandidato karong buntag ug unya sa hapon.
Miingon si Divisoria Police Station commander C/Insp Julius Clark Macariola IV nga andam na ang security plan nga ilang ipatuman ilabina nga libuang political supporters ang mikuyog sa duha ka dagkong political party nga mag-COC filing.
Samtang gibutyag ni Provincial Election Supervisor Atty Carlito Ravelo nga napuno usab sa supporters gikan sa grupo ni Gov Bambi Emano ug kanhi Misamis Oriental Vice Gov Julio Uy ang ilang buhatan ning adlawa.
Kini human gilauman nga si Uy sa partido Team Unity Party maoy moatbang kang Emano sa 2019 midterm elections sa lalawigan.
Miingon si Ravelo nga hinoon,dili problema ang duha ka grupo kay daan nang managkaila apan magka-atbang lamang sa piliay sunod tuig.
Gibutyag ni Ravelo nga gibutangan gihapon sa daghang ihap sa kapolisan ang bisinidad sa Comelec pagsiguro nga mamintinar ang kahusay’g kalinaw alang sa katapusang adlaw sa COC filing ning adlawa.
