(Update) CAGAYAN DE ORO CITY-Daw nahikling una ang bangi sa politika sa mga opisyal sa syudad ug lalawigan atol sa pagkasunog sa dul-ag 40 ka balay sa Brgy 26 ug Brgy 26 kagahapong adlawa.
Kini human paspas nagpaabot sa ilang mga ayuda ang buhatan ni City Mayor Oscar Moreno ug Gov Bambi Emano sa katawhan nga apektado sa maong sunog.
Gibutyag ni PDRRMD head Fernando ‘SotSot’ Dy Jr nga gilayong nadala nila ang 20 ka sakong bugas ug canned goods igo paghuman sa sunog.
Samtang,gitanyagan usab ni City administrator Dionne Gersana sa evacuation center ang mga sunugan samtang i-plastar pa ang ayuda alang kanila.
Mismo usab ang mga personahe sa CSWD ang mitunol sa pagkaon ug ubang kagamitan nga magamit sa mga biktima samtang anaa sa open basketball court ug Corrales Elementary School ning panahona.
