CAGAYAN DE ORO CITY-Gibutyag ni City Mayor Oscar Moreno nga andam na ang ilang kompleto nga kandidato sa una ug ikaduhang distrito nga modagan sa 2019 midterm election sa syudad.
Gihimo ni Moreno ang pahayag alayon sa gitakda nila pagduso sa sertipiko de kandidatura sa Commission on Elections o Comelec sa Okubre 11 ning tuiga.
Miingon si Moreno nga mas gihan-ay pa usab nila ang mga kandidato sa segundo distrito ilabina nga nanobra ang laraw mouban sa ilang grupo.
Partikular usab gikumbinsir ni Moreno si Kag Alam Lim nga molansad pagka-kongresista sa segundo distrito aron ikaabag ni Cagayan de Oro 1st District Cong Rolando ‘Klarex’ Uy ning syudad
.Samtang bisan si Gov Bambi Emano ang gitakda nang molugwa sa kumpleto nila nga listahan sa mga kandidato nga modagan sa nagkadaiyang posisyon sa lalawigan ug ilabina dinhi sa syudad.
Kini human unang gibutyag ni Emano nga abli siya nga atabangan si Moreno kon mahukman sa ilang partido.
Miingon si Emano nga kamulo usab nila nga gi-finalize ang kumpleto nga listahan sa ilang mga kandidato sa syudad ug lalawigan nga ilugwa sa publiko pag-abot sa Oktubre ning tuiga.
