CAGAYAN DE ORO CITY- Angayang basulon ni Gov Bambi Emano mismo ang
kaugalingon niini sa giatubang nga kaso sa Ombudsman.
Kini human tudlu-a ni Emano ang iyang brother -in-law nga si kanhi City Councilor President Elipe isip general manager sa Misamis Oriental Intergrated Sports Council.
Miingon si City Mayor Oscar Moreno nga naipit na si Emano hinungdan nga namugos kini nga walay kasal-anan sa maong kontrobersya.
Dugang ni Moreno nga dugay nang gipasidan-an si Emano sa gihimo niining lakang apan wala manumbaling hinungdan nga miduso’g mga kaso si CSWD worker Ernesto Molina sa Ombudsman.
Samtang pagtabon na lamang sa kaulawon sa mga giatubang nga kaso ang gihimo ni City Moreno ang pag-ipit ngadto kang Emano.
Miingon ang amahan ni Emano nga si kanhi City Mayor Vicente Emano nga walay bisan usa ka dokumento nga magmatood nga adunay nahitabong nepotismo sa pagsulod ni Elipe aron idumala ang Misamis Oriental Intergrated Sports Council.
Si Emano kinsa makaduhang napildi pagka-mayor sa syudad ang nag-unang kritiko sa pagdumala ni Moreno sa syudad.
