CAGAYAN DE ORO CITY – Gihagit ni City Mayor Oscar Moreno si Gov Bambi Emano nga dili magbinata sa iyang paghatag serbisyo sa katawhan sa Misamis Oriental.
Kini aron nga daw dili mawala ang pag-ila kaniya sa katawhan nga maoy gobernador sa probinsya.
Gihimo ni Moreno ang pahayag tungod sa hagit ni Emano nga ipakita ang building permit sa katukuran sa Misamis Oriental Heritage ug Press Freedom Monuments nga natukod sa pagsilbi pa niining gobernador sa lalawigan.
Una niini,gikuwestiyon sa mga alyado ni Moreno kon nganong walay permit ang pagtukod sa provincial tourism office sulod sa parke sa kapitolyo.
Samtang nalooy lamang si Emano ngadto kang Moreno nga mihimo’g pag-kuwestiyon sa pagtukod sa provincial tourism office sulod sa parke sa kapitolyo probinsyal.
Miingon si Emano nga unta kay abogado si Moreno mas nasayod kini kon unsay ensaktong balaod ilabina sa mga sudlang trabaho sa gobierno.
Unang gihagit ni Emano nga andam siya mokuhag’g building permit kon makapakita si Moreno building permits sa press freedom ug Misamis Oriental Heritage monuments sa kapitolyo.
