CAGAYAN DE ORO CITY-Gihagit ni Gov Bambi Emano si CSWD employee Ernesto Molina nga Sitio Iraq,Brgy Camaman-an nga ilaras ang pagkaso sa milangkob sa Misamis Oriental Intergrated Sports Council didto sa Ombudsman.
Kini kon tinood nga dili sinugo ni City Mayor Oscar Moreno si Molina sa pagkaso’g nepotismo ug technical malversation of public funds batok ug Emanno ug MOISC General Manager President Elipe.
Miingon si Emano nga natataw nila nga gibakakan ni Molina ang katawhan sa pag-ingon nga ordinaryong residente lamang kini sa syudad apan ang tinood trabahante sa CSWD sugod tuig 2015.
Namugos si Emano nga siya ang mitudlo kang Elipe aron mahimong general manager apan mismo ang board officials sa MOISC.
Samtang giawhag ni Moreno si Emano nga ipa-resign na lamang pagka-general manager si President Elipe sa Misamis Oriental Intergrated Sports Council.
Kini samtang may oras pa aron dili mosamot kabug-at ang atubangon nga atraso niini sa Ombudsman.
Miingon si Moreno nga angayang basulon ni Emano ang iyang kaugalingon tungod kay siya mismo ang nagdumala
sa lalawigan.
Una na usab gihimakak ni Moreno nga gisugo niya si Molina nga kasuhan si Emano ug Elipe sa Ombudsman
tungod sa pagdumala sa Don Gregorio Pelaez Sports Center ning syudad.
