CAGAYAN DE ORO CITY – Gitawag ni kanhi City Mayor Oscar Moreno si adhoc committee chairman Kag. James Judith nga ‘istupido’.
Kini nunot sa findings sa re-investigation sa balor 700-milyones pesos nga special ECQ ayuda nga dunay pipila ka kanhi city hall officials ang manubag sa pagwaldas sa pondo.
Kini human unang gibutyag ni Judith sa iyang findings nga dunay lapad nga double-triple entries sa mga benepesaryo nga nakadawat sa ayudang pinansyal sa 40 ka dagkong brgy sa dakbayan.
Miingon si Moreno nga naghinobra ang ka iresponsable,kadanghag ug ka-istupido ang gihimo ni Judith.
Siya miingon nga dili siya makatoo sa gihuptang teorya sa konsehal kabahin sa gipanulti niini atubangan sa konseho.
Samtang gihimakak ni Moreno nga dunay mga kahiwian nga natigayon samtang gihimo sa city govt ang ‘cash dole outs’ sa 80 ka brgy gamit ang nat’l funding sa dakbayan nga apektado sa pandemya ubos sa iyang kanhi administrasyon.
Kini bisan kon wala nganli ni adhoc committee chairman Kag. James Judith sa iyang paghimo’g special report niini sa ilang sesyon sa konseho.
Gi-depensa usab sa kanhi mayor si former city administrator Teddy Sabugaa ug CSWD officer-in-charge Michael Fabello nga kasangkapan aron mahitabo ang giingong maniobra sa sa pondo.
Sa pagkutlo ning balita,bugtong si Moreno pa ang mipabati sa iyang panig samtang wala pa’y nalugwa nga komento si Sabugaa ug Fabello sa findings ni Judith.
Samtang kasuhan sa kampo ni Judith si Balaba kon walay mahitabong aksyon sa fact finding result sa re-investigation sa giingong anomaliya sa ayuda.
Kini human natugyan na ni Judith ang duha ka baga nga libro sa findings sa konseho ug bisan kang City Mayor Rolando ‘Klarex’ Uy.
Miingon si Judith nga may duha ka abogado na nga mi-boluntaryo aron mohatag sa ilang libre nga serbisyo kon adunay pipila ka magbubuhis nga mokaso batok sa mga tawong nalambigit sa giingong kahiwian.
Apan giklaro sa konsehal nga magsilbi na lang nga reperensiya ang iyang findings kay giingong dili siya ang mangunay pagkaso aron dili masaypan nga kini namulitika sa iyang mga kaatbang.
Unang gihulagway ni Balaba sa interbyu sa Bombo Radyo nga pulos hangin ang sulod sa ulo ni Judith kaysa subayon unta ang ensaktong house parliamentary rules kon mohimo’g imbestigasyon sulod sa konseho.
Hisayrang maoy gidahom ni Balaba ang sugyot balaodnon nga namnatala ni Judith sa findings apan pagtudlo na hinoon kang Moreno,Sabugaa ug Fabello nga hayan manubag sa pipila ka giingong binuang sa cash distributions sa ayuda sa dakbayan sa tuig 2021.
