CAGAYAN DE ORO CITY – Posibleng manubag sa Office of the Ombudsman ang city government officials kabahin sa giingong napasagdan nga engineered sanitary landfill sa Brgy Pagalungan ning syudad.
Kini human sulati ni kanhi City Mayor Oscar Moreno ang kadagkuan sa DENR-Manila aron mohimo’g subsob nga imbestigasyon kabahin sa kahimtang sa maong basurahan.
Nagsumikad ang lakang sa kanhi mayor nunot sa findings sa DENR-EMB 10 nga nakahimo’g daghang kasupakan ang pagpadagan sa basurahan.
Siya miingon nga tungod sa maong pagsagad,dili imposible nga mataral sa Ombudsman ang kasamtangang administrasyon gumikan sa nadiskobreng mga kapalpakan diin peligro sa panglawas sa katawhan ug pagka-damyos usab sa kinaiyahan.
Hisayrang sa show cause order nga gilugwa sa DENR-EMB 10 kang City Mayor Rolando ‘Klarex’ Uy, mi-sentro kini sa nadiskobre ang pagyabo sa mga basura nga walay ‘liner’ ug ang pakyas pag-andar pa gihapon sa waste water plant sa landfill.
