CAGAYAN DE ORO CITY- Miubos ang ihap sa nahitabong kreminalidad sukad milingkod si Pres Rodrigo Duterte ilabina dinhi sa Mindanao.
Kini human natala ang 25 porsiento nga pagkibhang sa index crime nga naglakip sa kasong mga pagpamatay ug ubang dagkong kremin nga nahitabo sa palibot.
Gibutyag ni Regional Peace and Order Council chairman City Mayor Oscar Moreno nga anaa sa kontrol ang gobierno batok sa tanang klase sa kreminalidad sa nasud.
Nasayran nila kini atol sa gihimong panagtagbo sa mga chairmen sa RPOC-Mindanao didto sa Tacurong City.
Hisayrang ipahigayon ang sunod nga katiguman RPOC special meeting mismo na dinhi sa syudad.
