CAGAYAN DE ORO CITY – Miduso na sa ilang kandidatura ang grupo nila ni kanhi City Mayor Oscar Moreno sa sertipiko de kandidatura sa duha ka district offices sa Commission on Elections ning syudad.
Kini aron atbangan ang alyansa sa puwersa ni incumbent City Mayor Rolando ‘Klarex’ Uy ug magsoong Rodriguez sa 2025 elections.
Sa wala pa sila moduso’g Certificate of Council o COC sa ilang line-up,mitambong una sila sa santos nga misa,magbaklay sa nagkadaiyang opisina sa City Comelec Office alang sa ilang katuyuan.
Si Klarex ang dugay nang naghulat nga makig-atbang kaniya si Moreno pagka-mayor kinsa dose ka tuig sila nga magka-alyansa sa politika sa dakbayan.
Una usab niini,gipasabot ni Moreno nga nahukman sa Partido Padayon Pilipino pinaagi kang 1st District Cong. Lordan Suan nga magka-alyansa ang duha ka panig bisan sa dugay’ng panahon nga engkuwentro nila sa politika kay nagkahiusa sila.
Kini sa tinguha nga ibalik daw ang dignidad ug pagka-desente sa dungog sa dakbayan nga nahugno sa kasamtangang administrasyon.
Apan una na usab namahayag si Uy nga kon tinood pa ang sulti ni Moreno,dili unta makakuha sa pinakauna nga Seal of Good Local Governance award sa DILG ang dakbayan.
Tubag usab ni Moreno nga dili angay hutdo’g angkon ni Klarex ang maong kadungganan kay kabahin sa nagamit nila nga mga basehan niini gikan pa sa kanhi administrasyon.
