CAGAYAN DE ORO CITY-Giuyunan ni City Mayor Oscar Moreno nga ihinayon sa gobierno ang brgy ug SK elections sa
nasud.
Kini bisan gitinguha sa pipila ka kongresista nga i-oktaba na usab ang piliay sa barangay ug kabatan-unan sa Mayo
14 ning tuiga.
Miingon si Moreno nga angay masayran sa kadaghanan nga ang paglusad sa eleksyon ang ilhanan nga
dakong buhi ang demokrasya dinhi sa nasud.
Si Moreno kinsa kanhi gobernador sa Misamis Oriental ang padayong miani sa init nga pagpaluyo sa katawhan sa dakbayan bisan maihap sa tudlo ang kapitanes nag-suporta sa iyang mga programa.
Samtang supak si Gov Bambi Emano nga itudlo lamang ang mga opisyal nga modumala sa kabarangayan sa
nasud.
Kini kon ugaling subli isibog ang brgy ug SK elections nga gitakda sa Mayo 14 ning tuiga.
Miingon si Emano nga dako kining uyon nga ihinayon na ang eleksyon sa barangay aron masuta kon suportado pa ba sa katawhan ang kasamtangang mga opisyales.
Si Emano ang anaa sa ikaduha niining termino isip gobernador sa lalawigan diin gilangkuban sa kapi’g 400 ka kabarangayan.
Samtang mahimong makapapili isip barangay kapitan o SK official bisan kadtong suspected target listed personality nga nalambigit sa ilegal nga druga.
Miingon si Misamis Oriental Provincial Election Supervisor Atty Carlito Ravelo nga lahi ang proseso sa korte sa eleksyon kay mga tawo ang gapili sa iyang botaran.
Siya miingon nga bisan nga gidungog nga ang ilang barangay kapitan usa ka adik o protektor sa mga tigpayuhot
sa druga, dili gihapon kini lig-on nga basehan aron babagan ang iyang kandidatura sa Comelec.
Giklaro ni Ravelo nga subay sa balaod may katungod ang usa ka tawo nga mahatagan sa due process batok sa iyang mga gikalambigitan nga kaso ug mga akusasyon.
