CAGAYAN DE ORO CITY-Gikompirmar ni City Councilor Nadya Emano-Elipe nga may mga tawo nga nagkumbinser
sa ilang partido nga ipadagan kini pagka-mayor sa umaabot 2019 midterm elections sa syudad.
Kini aron posibleng
atbangan si City Mayor Oscar Moreno kinsa laraw magpapili usab alang sa iyang ikatulo nga termino.Apan giklaro ni
Elipe kinsa mahupas na ang termino sunod tuig nga wala pa’y pinal nga hukom ang partido kon unsa ang itahas
kaniya nga daganan sa sunod eleksyon.
Si Emano-Elipe ang anak ni kanhi City Mayor Vicente ‘Dongkoy’ Emano ug igsoon usab ni Gov Bambi Emano sa Misamis Oriental.
Samtang bisan kinsa sa mga Emano ang andam atbangan ni Moreno alang sa iyang laraw pagpapili sa ikatulo nga termino ning syudad.
Kini human naglugwa ang taho nga mahimong si kanhi City Mayor Vicente ‘Dongkoy’ Emano,Gov Emano o Kag Nadya Emano Elipe ang moatbang batok kaniya sa 2019 midterm elections sa syudad
.Miingon si Moreno nga katungod sa matag-kandidato nga makapapili hinungdan dili problema kaniya kon kinsa sa mga Emano ang ikaatbang niini sa sunod piliay.
Gani,subli gibutyag ni Moreno nga kumpleto na ang ilang political lineup aron moduso sa sertipiko de kandidatura sa Oktubre ning tuiga.
