CAGAYAN DE ORO CITY – Gibatikos ni City Mayor Oscar Moreno kadtong mga tawo nga namugos ug nagpakaylap nga may kalabigitan sa politika ug illegal nga droga kon nganong gipusil-patay si Carmen Brgy Kag Roland Sherwin Tawee Uy sa Brgy Pagatpat ning syudad.
Miingon si Moreno nga unta dili usab kini mahitabo sa pipila ka tawo nga pun-an ang kasakit sa pamilya nga nagbangutan ning panahona.
Gibutyag sa mayor nga saksi kini kon giunsa ni Tawee nga maningkamot nga manginabuhing normal pinaagi sa mga buy and sell ug quarry operation aron magbaton sa kaugalingong kinitaan alang sa iyang pamilya.
Una ang mikaylap ang impormasyon nga angayang tutukan usab sa PNP ang anggulo sa politika kay dakong pamilya ang kagikan sa biktima ning syudad.
Dumduman nga sa upat ka anggulo nga milugwa sa case conference sa PNP,bangi sa negosyo ang labing duol nga anggulo sa hitabo diin wala milugwa ang kabahin sa politika o illegal nga droga.
