CAGAYAN DE ORO CITY – Gitahasan ni City Mayor Oscar Moreno nga ipalig-on pa ang mga ebedensiya batok sa mga suspek nga mi-ambush patay kang Lumbaca Unayan Mayor Somerado Guro ug kapikas nga si Rohaifa Guro sa Brgy Iponan sa syudad.
Kini human siya impormahi nga napasaka na sa SITG-Guro ang double murder case ug frustrated murder batok sa pipila ka politiko nga mipasugo pagpatay sa magtiayong Guro ning syudad.
Miingon ang mayor nga nalipay ug gipasalamatan niini ang kapolisan ug ubang ahensiya sa gobierno nga mapadali ang pagtumbok sa mga tawo nga mipa-ambush kang Guro ning syudad niadtong Hunyo 3 ning tuiga.
