CAGAYAN DE ORO CITY-Giakusahan ni Misamis Oriental Gov Bambi Emano nga si City Mayor Oscar Moreno ang utok sa giatubang nga kaso sa Ombudsman.
Kini human gikasuhan ni kanhi Brgy 35 Kag Rico Molina si Emano tungod sa pagtudlo kang former City Coun President Elipe aron panguluhan ang magdumala sa Misamis Oriental Intergrated Sports Council o MOISC ning syudad.
Miingon si Emano nga wala unta’y pulos ang maong kaso apan ikalipay gihapon nila ang pagtubag niini aron molugwa ang tinud-anay nga sitwasyon sa kontrobersya.
Una nang namugos si Emano nga dili ilegal ang pagtudlo kang Elipe kay pribadong pasilidad ang Don Gregorio Pelaez Sports Center sa syudad.
Samtang dili binuhatan ni Moreno ang paglakag sa mga opisyal sukwahi sa pasangil ni Emano batok kaniya.
Kini ang tubag ni Moreno dihang giakusahan nga maoy nagsugo kang Ernesto Molina aron kasuhan si Emano ug Elipe sa Ombudsman.
Miingon si Moreno nga wala sa iyang tuyo ang paglutos sa mga nabangi niini sa politika sukwahi sa gihimo sa mga Emano kaniya.
Si Elipe ang gikonbikto sa Ombudsman tungod sa kasong serious dishonesty hinungdan nga gidid-an na kini makasulod sa panarbaho sa gobierno.
