Nakuha sa minority bloc sa Senado ang tulo ka puwesto sa “gamhanang” Commission on Appointments (CA), ang lawas nga gahukom kung ang mga presidential appointees angay bang aprobahan o dili.
Human sa konsultasyon sa majority bloc, si Minority Leader Tito Sotto ang mihimo og mosyon aron pormal nga itudlo ang mosunod nga mga senador isip miyembro sa CA. Ang mosyon giaprubahan dayon nga walay supak:
Loren Legarda, Migz Zubiri, Risa Hontiveros
Hisayran nga ang Commission on Appointments usa ka independenteng komisyon nga adunay gahum sa pag-review ug pag-apruba sa mga hinungdanong appointment sa gobyerno sama sa mga kalihim sa gabinete, ambassadors, ug mga opisyal sa constitutional commissions.
