MANILA – Mihungaw na ang matood nga misyon sa gobyerno sa China batok sa regular nga resupply mission sa Philippines Coast Guard ug Bureau of Fisheries and Acquatic Resources.
Gibutyag ni PCG Commodore Jay Art Tariella nga walay laing tumong ang Chinese Coast Guard mao ang paglangkat sa stationary boats sa Pilipinas sa Escoda Shoal ug guyuron ang guba nga BRP Sierra Madre pagawas sa Ayungin Shoal.
Nagtoo ang PCG nga kinahanglan makuha sa gobyerno sa China kining duha ka gagmay nga isla aron may basehan ug mapalig-on ang ilang solidong pag-angkon sa tibook West Philippine Sea, isip sakop sa ilang 10 meter dash Line sa South China Sea.
Base sa balaod sa United Nations Convention on the Law of the Sea, ubos sa Article 56, ang Pilipinas maoy nanag-iya sa Escoda Shoal, ug Ayungin tungod kay sulod pa kini sa 200 nautical miles exclusive economic zone, gikan sa kabaybayunan sa Palawan.
Hangtud karon, padayong nagmagahi ang China sa pag-ila sa 2016 ug 2018 ruling ug mipagawas pa sa ilang bag-ong mapa sa miaging tuig aron supakon ang UNCLOS.
Kahinumduman nga nagsugod ang paggrabe sa tensyon, ug sagunson nga probokasyon sa China sa sa West Philippine Sea tuig 2023.(Bombo Anne Quileste).
