Nagpabiling legal nga katungod sa kampo ni Senador Ronald “Bato” Dela Rosa ang pagsumite og motion for reconsideration bisan gamay lamang ang posibilidad nga mausab ang desisyon sa Korte Suprema.
Sumala ni Atty. Eddie Cuaresma, former IBP MisOr-CDO Chapter President, talagsa ra nga mobaliktad ang Supreme Court sa una nilang ruling gawas kon adunay bag-ong ebidensya o argumento nga ikonsidera sa mga mahistrado.
Dugang pa niini nga adunay mga higayon nga nareverse ang desisyon sa korte sama sa gitawag nga BT Talong case, apan dili kini kasagarang mahitabo sa kadaghanan sa mga kaso.
Gipasabot usab ni Cuaresma nga ang motion for reconsideration usa gihapon ka valid nga remedyo sa legal nga proseso ug katungod kini sa kampo ni Dela Rosa nga ilang gamiton.
Bisan pa niini, giingon sa abogado nga sa kadaghanang kaso nga iyang nakita, lisod nga mausab ang desisyon sa Supreme Court kon wala’y igong bag-ong basehan nga ikapresentar ngadto sa korte.
