CAGAYAN DE ORO CITY – Miduso sa kontra-petisyon ang kampo ni Misamis Oriental Governor Juliette Uy batok sa temporary restraining order/TRO nga gilugwa sa korte nga gipangayo sa Sangguniang Panlalawigan /SP.
Kini human kompirmaha ni special assistant to the governor Celso Abucejo nga nadawat na nila ang kopya sa TRO kabahin sa maong isyu.
Giklaro ni Abucejo nga ang mga empleyado lang sa Sangguniang Panlalawigan ang nakasulod sa mando sa Regional Trial Court Branch 18 ug giingong wala naapil niini ang mga buhatan nga ubos sa gobernadora.
Hinoon,tahuron sa kampo sa ehekutibo ang hukom sa korte sulod sa 20 ka adlaw.
Una niini,mabalik na pinaagi sa ATM cards ang pagkuha sa mga empleyado sa SP ang ilang suhulan gumikan sa kamanduan sa korte bag-uhay lamang.
