CAGAYAN DE ORO CITY – Nakit-ang patay na ang motorela driver sulod sa sala sa ilang pinuy-anan diha sa Dolores Street ning syudad kagabii.
Giila ang biktima nga si Julito Laque,34 anyos,minyo ug lumad nga taga-Baungon,Bukidnon.
Gibutyag sa igsoon nga si Vilma Laque nga igo ra natulog ang biktima dihang kalit kining nahulog sa katre nga gikatulgan ug wala na’y kinabuhi.
Nasuta nga gikan nag-maneho sa rela ug nakainom ang biktima ayha natulog sa ilang pinuy-anan.
Nagtoo ang pamilya nga posibleng giurom ang biktima ilabina nga walay sakit nga gihambin niini.
