CAGAYAN DE ORO CITY – Gipasidan-an sa Federation of Motorela Operators and Drivers in Cagayan de Oro o FEMODCO ang ilang mga miembro nga likayan ang pagpangulekta’g sobra sa 7 pesos nga minimum nga pletehan gikan sa mga pasahero sa syudad.
Kini aron kalikayan nga mapahamtangan sa silot ang mga operator ug driver nga masapon nga mohimo niini.
Gihimo ni FEMODCO Pres Paul Cempron ang pasidaan tungod sa daghang reklamo sa mga pasahero nga may pipila ka driver nga mangulekta’g 10 pesos nga supak sa taripa.
Miingon si Cempron nga ayha maka-kolekta’g usbaw sa pletehan ang motorela drivers angayang may pagtugot una niini gikan sa city hall.
