Gipasidaan sa Roads and Traffic Administration nga dili mabayaran sa insurance ang mga pasahero kung mag-angkon og aksidente ang mga motorella nga namasahero sa mga national highway.
Gibutyag ni RTA Administration Manager Doy Ramiro nga awtomatiko nga mabaliwala ang insurance tungod sa pagbiyahe sa dalan nga gidili sa maong sakyanan.
Dugtong pa sa opisyal, atubangon sa mga drayber ang bug-at nga obligasyon ug dako nga bayronon kung makaguba og propedad o makasamad og pasahero.
Busa gihangyo ni Ramiro ang mga drayber nga tumanon gayud ang ordinansa aron malikayan ang kasamok ug masiguro ang kaluwasan sa tanan.
