CAGAYAN DE ORO CITY – Atubangon sa dinakpan nga motorista ang kasong pagsupak sa Comprehensive Dangerous Drugs Act of 2002 sa piskalya sa Lanao del Sur.
Kini epekto sa pagkadakpi na niini samtang nagsakay sa motorsiklo sa giagian nga road checkpoint sa Narciso Ramos Highway,Brgy Upper Igabay,Kapatagan kay diay nagkupot sa 35 gramos nga gitoohang shabu nga dunay 238-mil pesos.
Namahayag ang Kapatagan Municipal Police Station ug 2nd Provincial Mobile Force Company sa Lanao del Sur PNP nga daan na nila nabantayan nga dili mahimutang ang suspek nga si alyas Boy Payuhot sa gipahimutang nga checkpoint rason nga gihulat nga moagi sa lugar.
Sa pagsusi,walay dala nga mga dokumento kabahin sa gimaneho nga motorsiklo ug ang giingong boluntaryo nga pag-angkon niini nga nagdala sa gitoohang ilegal nga droga.
Tungod niini,gilayong gipaubos sa pag-dokumento ang maong operasyon nga sinaksihan sa mga opisyal sa gobierno ug mga sakop sa media aron magamit sa pagduso’g kaso sa piskalya batok suspek sa Marawi City Prosecutor’s Office.
