CAGAYAN DE ORO CITY – Gipangita pa sa kapolisan ang motorcyle in tandem suspects nga responsabli pagpusil-patay sa biktima nga nagmaneho sa iya usab motorsiklo sa Sitio Agong,Brgy Iponan ning syudad.
Giila ni Bulua Police Station commander Police Maj. Peter Tajor ang biktima nga si Jose Manggubat Jr,hingkod ang edad ug residente sa dakbayan.
Subay sa inisyal nga imbestigasyon,gisundan sa wala mailhi pa nga mga armado ang biktima ug dihang nakakita sa higayon,gipusil kini sa makaupat ka higayon gamit ang kalibre 45 nga armas.Naigo sa dagway,li-og ug likod ang biktima nga hinungdan sa kamatayon niini.
Miingon si Tajor nga posibleng dunay nagdumot sa biktima kay sobra tuig na kining gisunod-sunaran ayha na korner kagahapon sa hapon.
