CAGAYAN DE ORO CITY-Gihulatan karon sa kapolisan nga mobisita sa ilang buhatan ang pamilya sa motorista nga mibangga-patay sa police patrol sa lungsod sa Balingoan,Misamis Oriental.
Kini bisan nga giingong sad-an ang biktima nga si Cedric Tolentino,ulitawo nga taga-Kinoguitan ning lalawigan dihang gibanggaan ang police patrol.
Gibutyag ni Balingoan Police Station commander Sr/Insp Danilo Popera nga nag-roving lamang ang ilang kauban samtang nag-brownout dihang mibangga ang motorsiklo nga gisakyan sa biktima.
Dead on the spot ang biktima tungod sa mga bun-og nga nahiaguman niini tungod sa aksidente.
Kini ang hinungdan nga giawhag ni Popera ang pamilya sa biktima nga mobisita sa ilang buhatan aron mahisgutan ang mas angay pa nga buhaton kabahin sa hitabo sa miaging adlaw.
