CAGAYAN DE ORO CITY-Patay ang motorista dihang nahulog sa kanal ang iyang gimanehong motorsiklo sa Diversion road, Purok 4, Sta Cruz, Poblacion Valencia City Bukidnon.
Giila ang biktima nga si Joseph Maravelles, 46, ulitawo, ug molopyo sa Sugarland, Lumbo sa maong syudad.
Sumala sa Valencia City PNP nga gikan South ug padulong North si Maravelles dihang pag abot sa kurbadang bahin sa maong lugar, nilahos kini sa kanal.
Dali pa nga gidala sa ospital ang biktima apan gideklara kining dead on arrival sa mga doktor tungod sa naangkon daghang samad sa kalawasan.
Nasuta usab sa kapulisan nga walay lisensya ang biktima dihang nagmaneho kini sa motor.
