CAGAYAN DE ORO CITY – Kasuhan sa reckless imprudence resulting to homicide and damage to property ang tanker driver nga nakaligis-patay sa laing motorista sa Puntod-Kauswagan Brigde sa syudad.
Giila ni Carmen Police Station commander Police Maj Ian Borinaga ang biktima nga si Romeo Lim,65 anyos,minyo ug nagpuyo sa Pasil,Brgy Kauswagan ning syudad.
Naka-parking lamang ang biktima sakay sa iyang motorsiklo dihang kalit nalatayan sa trak nga gimaneho ni Rolly Macang nga taga-Brgy Gusa ning syudad.
Nakaangkon sa grabeng damyos ang lawas sa biktima hinungdan sa kamatayon niini kagahapon sa buntag.
