CAGAYAN DE ORO CITY – Dead on arrival ang motorista nga lumad taga- Bayugan City, Agusan del Norte. Kini human nahiagom sa dugu-ong aksidente ang biktima nga si Kenneth Bryan Dagasdas,31 anyos nga nagpuyo sa maong lugar.
Saysay sa Tagoloan Police Station commander Major Renz Marion Serrano nga subay sa imbestigasyon nga kalit nabanggaan sa delivery truck driver ang biktima nga sakay sa motorsiklo hinungdan sa dugu-ong aksidente.
Sa pagkutlo ning balita, nagpa-kustodiya na ang trak drayber sanglit wala niya nabantanyan nga nakabangga na kini.
Hisayrang gidala pa sa ospital ang biktima apan wala na maluwas pa sa mga doktor.
Kon walay pagsinabot tali sa duha ka panig,mag-atubang sa kasong criminal ang driver epekto sa hitabo.
