Gisugdan ang pagbuhat composite team aron butangan sa ngipon ang Ordinansa batok “illegal improvised mufflers”. Kini ang gikompirmar ni City Information Office Chief – Jude Adecer.
Tumong niini nga maminusan reklamo sa mga residente sa syudad, batok sa makabungol nga kasaba sa makina gikan sa mga motor. Kini nga ordinansa nakalatid sa Ordinance No. 4373-94.
Subay sa bag-ong kampanya sa syudad, ang composite team langkoban sa Cagayan de Oro City Police Office (COCPO), Land Transportation Office (LTO), Roads and Traffic Administration (RTA) ug barangay Officials uban ang ilang tanod.
Ang composite team maoy mudakop sa mga motor, awto o race car ug uban pang sakyanan nga masapon nga gi-modipikar ang ilang mga mufflers. Hisayran nga subay sa nalatid nga ordinansya ang tanan madakpan silotan pinaagi sa pagkompiskar sa ilang mufflers, kundiinn ang First offense: ₱1,000 multa ug warning.
Ang second offense: ₱3,000 multa ug posibilidad nga ma‑impound ang sakyanan.
Ang third offense: ₱5,000 multa ug kumpiska sa sakyanan hangtod makasunod sa balaod.
Gawas niini, ang mga driver mahimong pahamtangan sa dugang penalties subay sa balaod sa LTO penalties kung ang sound level o kabanha mulabaw sa 99 decibels, subay sa national regulation.
Una niini, gitin-aw ni Adecer nga mupatuman ang composite sa suprise inspection aron masapon ang tanan malapason sa ordinansa sa syudad.
