CAGAYAN DE ORO CITY – Gitoohang nakatulog samtang nagmaneho ang usa ka motorista nga mibangga sa sampot sa trailer truck nga nakaparada diha sa Zone 2, Brgy. Agusan ning syudad.
Gi-ila ni Police Senior Master Sgt. Diosdado Bastismo, imbestigador sa Puerto Police Station ang biktimang namatay nga si Jessy Jalalon, 41 anyos nga taga Brgy. 7, Cagayan de Oro.
Kusog ang dagan sa motorsiklo sa biktima sa dihang kini mibangga sa truck.
Nakaangkon kini sa dakong samad sa iyang ulo nga miresulta sa hinanali niining kamatayon.
