CAGAYAN DE ORO CITY – Patay ang usa ka motorista, usa ang talandugunon, samtang laing usa ang samaron sa paglanding sa Northern Mindanao Medical Center (NMMC), kagabie.
Namahayag si Police Staff Sergeant Paterno Isequea, Jr., investigating officer sa Gitagum Municipal Police Station nga gikan pa mitambong sa birthday ang mga biktima dihang nadisgrasya sa national highway sa Gitagum.
Giila ni Sgt. Isequea ang namatay nga motorista nga si Arvic Padero, 25 anyos, minyo, ug residente sa Purok 3 Matangad Gigatum, samtang “unconscious” ug anaa sulod sa ICU ang backride niini nga si Rex Villacorta, 30 anyos.
Samad ug bunog sa lawas sab ang nahi-agom sa ikaduhang backride nga si Jason Milando, 30 anyos, dunay kapuyo ug residente sa susamang lugar.
Namahayag si Sgt. Isequea nga mi-angkon ang usa sa mga biktima nga silang tolo hubog sa dihang midagpak sila sa Toyota Wigo, bandang alas 10:30 sa gabie.
