CAGAYAN DE ORO CITY – Dili na moduso’g kasong kriminal ang pamilya sa nabangaan nga residente diha Purok 5 Barangay Poblacion ,Gitagum,Misamis Oriental.
Kini bisan kon nabalian sa tiil ang biktima nga si Jomar Acuno nga taga-Brgy Dulong,Libertad ning lalawigan.
Gibutyag ni Police Chief Master Sgt Junmar Jarmin sa Gitagum Police Station nga tungod kini kay mismo ang nakabangga nga si Jetty Mangulo nga taga-Gitagum ang dead on the spot sa hitabo gumikan kay nabundak ang ulo sa semento.
Miingon si Jarmin nga misabot na lamang ang pamilya ni Acuno kay nakita usab nila nga anaa sa lisod nga kahimtang panig ni Mangulo.
Una niini,nakainom ang suspek nga nagmaneho sa motorsiklo hinungdang nabanggan si Acuno ug samaron ang laing biktimang babaye nga padayong giatiman sa mga doktor.
