CAGAYAN DE ORO CITY – Patay human matabunan sa scrap metals ang motorista diha sa Sitio Cabula, Barangay Lumbia ning syudad.
Giila ang namatay nga si Julito Lopez, 53-anyos, residente sa may Maasin, Baungon,Bukidnon.
Miingon si Lumbia Police Station commander Capt Teodoro De Oro nga mibuto ang brake sa gimaneho nga truck ni Luis Caligid, 47-anyos, minyo ug residente sa Purok 10, Brgy Tablon ning syudad hinungdan nga nangahulog ang karga niini nga mga scrap metal ug napadulong sa biktimang si Lopez kinsa nagmaneho sa motorsiklo.
Dead on the spot ang biktima tungod sa mga samad nga naangkon niini sa kalawasan.
Mag-atubang sa kasong reckless impudence resulting to homicide ug damage of property ang suspek kinsa detinado karon sa bilangguan.
