CAGAYAN DE ORO CITY – Patay ang usa ka motorista samtang kritikal ang mag-amahan sa panagbangga sa duha ka motorsiklo sa Purok 4 Brgy Matog,Baungon,Bukidnon.
Giila ni Baungon Police Station investigator Staff Sgt Jingky Balatayo ang namatay nga si Leroy Perez, 46-anyos, residente PN Roa, Brgy Canitoan ning syudad samtang talandugon nga nagpaalim sa ospital ang mag-amahan nga sila si Ceazar Piquero, 47-anyos ug Ramson Piquero, 14-anyos, pulos residente sa Purok 2 sa maong lungsod.
Miingon si Balatayo nga nangawat sa iyang lane si Perez hinungdan nga mibangga kini sa iyang katagbo nga motorsiklo nga gimaneho ni Piquero.
Mohimo pa’g dugang imbestigasyon ang kapolisan sa hinungdan sa aksidente.
