CAGAYAN DE ORO CITY-Detinado ang mini-van driver nga nakabangga-patay sa motorista diha sa Purok 2,Brgy Tablon sa syudad kagabii.
Giila ni PO3 Rolando Resurrecion sa Cugman Police Station ang biktima nga si Ricky Asis,34 anyos,minyo ug nagpuyo sa Brgy Bugo sa syudad.
Gibutyag ni Resurrecion nga subay sa testigo nga nakakita sa hitabo,nadumbol sa driver nga si Mark Anthony Anos nga taga-Tagoloan ang motorsiklo ni Asis hinungdan nalagpot kini.
Apan wala mohunong si Anos hangtod nga mitabang ang Puerto Police Station aron madakpan kini sa lungsod sa Tagoloan ning lalawigan.
Kasuhan sa reckless imprudence resulting to homicide ug damage property ang suspek nga naka-detain sa Cugman Police Station.
