CAGAYAN DE ORO CITY – Gitakda nang ilubong subay sa tradisyong pagtoong Islam ang motoristang nadisgrasya-patay sa Rotonda Circle,Barangay Macasandig ning syudad kaganihang buntag.
Kini human wala na madala sa ospital ang biktima nga si Abdulwahid Lucman nga temporaryong nagpuyo ning syudad apan lumad taga-Marawi City,Lanao del Sur.
Saysay sa kabanay niini nga posibleng kusog ang dagan sa biktima samtang sakay sa gimanehong motorsiklo hinungdan naglisod na kini’g mani-obra pag-abot sa liku-on nga bahin sa rotunda.
Nasuta nga wala usab magsul-ob sa helmet ang biktima dihang natigayon ang aksidente.
Kumbinsido ang pamilya sa biktima nga aksidente ang gidangatan niini ug walay foul play.
