CAGAYAN DE ORO CITY -Patay ang usa ka lalaki human maaksidente sa gisakyang motorsiklo diha sa dalan Claro Recto ning syudad.
Dead on arrival sa ospital ang biktima nga si Victor Lopez Jr, 30-anyos ug residente sa Matalam,Cotabato City.
Matud ni Police Major Julius Clark Macariola IV,hepe sa Agora Police Station nga kusog ang dagan sa motorsiklo dihang mibangga kini sa usa ka pick up Ford Ranger atubangan sa University of Science and Technology Philippines o USTP.
Tungod sa kusog nga impact, nabunal ang ulo sa biktima human siya mahulog sa motorsiklo.
Detinado sa Agora mini cell ang drayber sa pick up ug nag-atubang sa kasong reckless imprudence resulting to homicide.
