CAGAYAN DE ORO CITY- Patay ang motorista human mobangga sa ten wheeler truck sa highway sa lungsod sa Talisayan,Misamis Oriental.
Giila ang biktima nga si Ronald Tudas,37 anyos nga nagpuyo sa maong lungsod.
Giingong gikan sa inom ang biktima sa pag-uli sakay sa motorsiklo ang dihang nahitabo ang aksidente.
Nadala pa sa ospital nga kritikal ang biktima apan paglabay sa pipila oras hingpit ra gihapon kining nabugtuan sa kinabuhi sa gabii.
Nahiagom sa dakong samad sa ulo ug kalawasan ang biktima nga hinungdan sa kamatayon niini.
Hinoon,mitahan na sa kapolisan ang driver sa ten wheeler truck human sa hitabo.
