CAGAYAN DE ORO CITY – Mag-atubang sa kasong reckless imprudence resulting in homicide and damage to property ang dumptruck driver nga si Jonathan Baloria, 22 anyos,ulitawo nga taga Kadingilan, Bukidnon.
Kini kon walay amicable settlement batok sa pamilya ni Efren Layo, 32 anyos, may live-in partner ug residente sa Looc, Brgy Canitoan ning syudad.
Kini human nagka-head on collision ang dumptruck ug motorsiklo sa Zone 4 sa maong lugar kagahapon sa buntag.
Gibutyag ni Bulua Police Station investigator Police Staff Sgt. Dionelle Zagado nga padulong sa managlahing direction ang duruha apan nagkasungag hinungdan sa aksidente.
Gidala sa JR Borja hospital si Layo apan gideklara kini sa attending physician nga dead on arrival.
