CAGAYAN DE ORO CITY-Nabu-ak ang ulo sa motorista human mabangga-i sa sakyanan samtang sakay sa motorsiklo diha sa Brgy Lumbia ning syudad.
Subay sa report, walay dalang identification card ang biktima gawas sa iyang cellphone ug kwarta.
Miingon ang imbestigador sa Lumbia Police Station nga nabanggaan ug nalatayan ang biktima sa trailer truck ug laing jeep depasayruhan.
Wala pa matin-aw sa kapolisan kon na hit and run ang biktima.
Gibana-bana nga nag-edad 20 anyos ang biktima, medium belt ug 5 feet ang height.
Nagsul-ob kini sa itom nga t-shirt, ug maong.
Hisayran nga dili na mahitsura ang lawas sa biktima sa dihang nadala sa Northern Mindanao Medical Center ning syudad kaganihang kadlawon.
