CAGAYAN DE ORO CITY- Patay tungod sa grabeng samad sa ulo ug bali sa kalawasan ang motorista nga mibangga sa motorsiklo ngadto sa ten wheeler truck didto sa Brgy San Miguel,Manolo Fortich,Bukidnon kagabii.
Giila ang biktima nga si Christopher Jay Gambota,19 anyos nga nagpuyo sa maong dapit.
Padulong miuli sakay sa motorsiklo ang biktima sa dihang wala niya mabantayi ang kusog nga dagan usab sa ten wheeler truck hinungdan sa panagsungag niini.
Nadala pa sa Northern Mindanao Medical Center ang biktima apan pag-abot sa pipila ka oras,hingpit gihapon kining nahunusan sa kinabuhi.
