CAGAYAN DE ORO CITY-Walay nakitang foul play ang kapolisan sa pagkamatay sa usa motoristang hubog human makabangga sa laing motorsiklo sa Upper Puerto ning syudad.
Giila sa kapolisan ang biktima nga si Romel Tagud, 36 anyos, pamilyado ug residente sa Fatima Subd,Upper Puerto sa dakbayan.
Gi-angkon sa ig-agaw sa biktima nga si Romeo Gamba nga maluwas pa unta ang kinabuhi sa biktima kon migamit kini sa iyang helmet.
Base sa medico legal, nabuak ang tangkugo sa biktima tungod sa grabeng impact sa disgrasya.
Una niini, wala na prisohan ang nadumbulan sa biktima human maka-angkon kini sa minor injuries ug napamatud-ang wala’y sala sa hitabo.
