CAGAYAN DE ORO CITY-Nakabsan na sa kinabuhi ang lalaki human mibangga ang iyang gisakyang motorsiklo sa Brgy Bal-ason, Gingoog City,Misamis Oriental.
Giila ni Gingoog City Police Station commander Supt Ariel Philip Pontillas ang biktima nga si Mariano Lingatong, 53 anyos,minyo ug residente sa susamang dapit.
Unang gibutyag sa kapikas sa biktima nga si Vilma nga nahubog ang iyang bana human mista sa Bal-ason.
Hisayran nga nagpaalim pa sulod sa tulo ka adlaw sa ICU sa NMMC ang iyang bana apan nabugtuan kini sa kinabuhi kagabii.
