CAGAYAN DE ORO CITY –Patay ang usa ka motorista sa nahitabong aksidente sa kadalanan sa Purok 3, Brgy Pay-as Kadingilan,Bukidnon.
Ang biktima naila nga si Edlie Cayatona, 18-anyos, residente sa may Purok-1 Poblacion sa maong lugar.
Sa imbestigayson, gibutyag ni Kadingilan Police Station investigator Police Staff Sgt Michael Elcano nga maoy na-engkwentro sa biktima ang Baja tricab nga gimaneho ni Lwezy Hinoo, 19-anyos, construction worker, taga Purok 2,Brgy Baroy.
Tungod sa kakusog sa impact sa panagbangga, dead on arrival sa ospital si Cayatona samtang padayon nga gitambalan ang backride nga hinigugma niini nga si Jovelyn Lorzano 18-anyos, single, taga Purok 3, Barangay Bagor.
Gidala usab sa hospital ang drayber sa baja nga si Hinoo human makaangkon sa daghang samad sa kalawasan.
