CAGAYAN DE ORO CITY-Dead on arrival sa ospital ang lalaki human maaksidente ang gisakyang motorsiklo diha sa diversion road, Brgy Bayabas ning syudad.
Naila ang biktima nga si Alfarak Andi, hingkod ang panuigon ug residente sa may Aquilles St., Brgy Kauswagan ning syudad.
Sumala ni Carmen Police Station investigator Police Master Sargeant Francisco Tumanda nahitabo ang aksidente dihang kalit miliko ang trailer truck nga gimaneho ni Rhiel John Gamba Salon, 28-anyos ug residente sa may Sto. Niño, Barangay Lapasan ning syudad ug mibangga sa motorsiklo.
Naligid ang motor nga gimaneho ni Andi hinungdan nga nalatayan kini sa truck ug maoy hinungdan sa iyang kamatayon. Detinado na sa bilangguan ang drayber sa truck human kini boluntaryong mi-surrender sa kapolisan.
