CAGAYAN DE ORO CITY-Patay ang motorista dihang mibangga ang gisakyanan niini nga motorsiklo sa ten wheeler truck sa intersection sa Galaxy Road sa Brgy Gusa sa syudad.
Giila ni C/Insp Allan Curato,hepe sa Agora Police Station ang biktima nga si Jason Virgil Casing,24 anyos ug lumad taga-Brgy mibantang,Quezon,Bukidnon.
Samtang naila usab ang truck driver nga si Jose Antipala,46 anyos nga taga-Brgy San Luis,Malitbog,Bukidnon.
Sumala sa imbestigasyon,gikan sa coastal road si Antipala dihang nagsugat sila ni Casing hinungdan sa dugu-ong aksidente.
Dead on arrival ang biktima pag-abot sa ospital samtang mitahan usab sa kapolisan si Antipala alang sa dugang imbestigasyon.
