CAGAYAN DE ORO CITY – Laing kinabuhi sa tawo ang nakalas ug duha ang samaron sa dugu-ong aksidente na usab sa natl highway sa Brgy Tablon ning syudad.
Kini human mihimo’g pag-overtake ang motorsiklo nga dunay sakay nga tulo ka buok ngadto sa truck nga hinungdan sa dugu-ong aksidente kagabii.
Giila ni Puerto Police Station traffic investigator Sr Master Sgt Jose Ryan Sevilleno ang namatay nga si Ramil Labra,ulitawo,29 anyos nga taga-Brgy Tablon samtang ang mga samaron mao sila si Angel Labra ug Joner Lopez nga ubos pa sa medikasyon.
Samtang giila usab ang truck driver nga si Noel Caubat nga nagpuyo sa lungsod sa Tagoloan,Misamis Oriental.
Nasuta nga gikan sa lungsod sa Villanueva ang mga biktima aron unta manguli na sa dihang kalit nag-overtake sa truck hinungdang naglisod usab si Caubat pag-kontrol ug natigayon ang dugu-ong hitabo.
Dumduman nga sa miaging semana,patay usab ang usa ka Bonelyn de la Torre kay gibanggaan sa van samtang manakayan lamang unta sa jeep-pasayruhan.
