CAGAYAN DE ORO CITY -Patay ang motorista samtang samaran ang backride niini sa aksidente sa kadalanan diha sa Mangima Bridge, Manolo Fortich,Bukidnon.
Giila ang namatay nga si Rodelio llagas, may ka-live in, taga-Laguindingan, Misamis Oriental samtang samaron ang kaipon niini nga si Maria Arnilla.
Gibutyag ni Manolo Fortich Police Station investigator Police Corporal Dominic Pancrudo nga pauli na ang mga biktima gikan sa Davao City dihang ilang natagbo ang nadiskaril nga ten wheeler truck nga gimaneho ni Ramil Ubanan.
Si Pancrudo miingon nga gigguyod sa towing nga gimaneho ni Edgardo Lood taga Butuan City ang nadaut nga truck apan kalit nabali ang tubo nga nagkonektar sa truck ug napadulong sa mga biktima ang dako nga sakyanan.
Nag-atubang sa kasong reckless imprudence resulting to homicide ug physical injury ang duha ka mga drayber.
