CAGAYAN DE ORO CITY-Patay sa aksidente ang motorista nga gikan nagtambong sa vigil sa gihaya niini nga apuhan sa lungsod sa Tagoloan, Misamis Oriental kagabii.
Giila ang biktima nga si Arturo Medina, 30 anyos, ulitawo ug nagpuyo sa Brgy San Martin, Villanueva ning lalawigan.
Gibutyag sa report nga hubog nga misakay sa motorsiklo ang biktima dihang mibangga sa gutter sa tulay hinungdan sa aksidente.
Nadala pa sa ospital ang biktima apan wala na kini masalbar pa sa mga doktor nga miatiman niini.
