CAGAYAN DE ORO CITY-Patay ang taga Cagayan de Oro human madisgrasya ang gimanehong motorsiklo didto sa District Maligaya,Brgy Tagcaton,Carmen,Agusan del Sur.
Giila ang namatay nga si Alvin Bahian samtang angol usab ang asawa niini nga si Merlie Bahian nga taga-Sitio Paglaum,Brgy Camaman-an.
Gibutyag ni Police Staff Sgt. Erwin Piloton, investigator sa Carmen Municipal Police Station nga gikan dinhi sa syudad ang magtiayong Bahian ug padulong unta sa Leyte apan pag-abot sa kurbada nga bahin,nakatabok kini sa pikas lane rason nga nagbangga sila sa Fuzo wing van truck kagahapon sa buntag.
Miingon si Piloton nga nagpasalig na ang tag-iya sa truck nga tubagon ang tanang obligasyon sa maong hitabo.
